Albania News Agency

Kryeministrja Meloni vlerësoi operacionin për arrestimin e nëntë personave që dyshohet se kanë financuar Hamasin me mbi 7 milionë euro përmes disa organizatave të ashtuquajtura bamirëse.

Ajo theksoi se mes të arrestuarve ndodhet edhe kryetari i Shoqatës së Palestinezëve në Itali, Mohammad Mahmoud Ahmad Hannoun, i cili nga hetuesit përshkruhet si anëtar i strukturës së jashtme të Hamasit dhe drejtues i qelizës së organizatës në Itali.

Meloni shprehu falënderime në emër të saj dhe të qeverisë për Prokurorinë e Gjenovës, Drejtorinë Kombëtare Kundër Mafias dhe Terrorizmit, Policinë e Shtetit, Policinë Financiare dhe shërbimin inteligjent AISE.