Albania News Agency

Presidenti i Ukrainës, Volodimir Zelenski, u takua me kryeministrin e Kanadasë, Mark Carney, duke theksuar se po koordinohen me liderët evropianë.

Duke shprehur kënaqësinë për mbështetjen e dhënë Ukrainës, Zelenski vuri theksin se ndihmat, veçanërisht ato për mbrojtjen ajrore, kanë rëndësi kritike.

Zelenski deklaroi se Rusia vazhdon sulmet ndaj qyteteve ukrainase dhe civilëve, duke theksuar se Moska ka refuzuar edhe propozimet për armëpushim gjatë periudhës së Krishtlindjeve dhe ka shtuar intensitetin e sulmeve me raketa dhe mjete ajrore pa pilot.

Zelenski theksoi domosdoshmërinë e sigurimit të mbështetjes së mjaftueshme për Ukrainën dhe vazhdimit të presionit efektiv ndaj Rusisë.

Gjithashtu, Zelenski bëri të ditur se Kanadaja ka shpallur një paketë të re ndihme, duke nënvizuar rëndësinë e qëndrimeve të përbashkëta për shumë çështje themelore.