Albania News Agency

Sipas CCTV, Presidenti i Kinës Xi Jinping, në mesazhin e tij të Vitit të Ri, përcolli urimet më të mira për vitin 2026.

Duke iu drejtuar publikut përmes China Media Group dhe internetit, Xi tha në mesazhin e dërguar nga Pekini: “Çdo vit jeta hap një faqe të re. Me fillimin e vitit të ri, ju përcjell nga Pekini urimet e mia më të mira”.

Xi Jinping vuri në dukje se viti 2025 ishte viti kur u përmbyll Plani i 14-të Pesëvjeçar i Kinës për zhvillimin ekonomik dhe shoqëror.

Duke vlerësuar përpjekjet e vendit, Xi theksoi se populli, me frymë sipërmarrëse dhe këmbëngulje, kapërceu shumë vështirësi dhe pengesa.

Në mesazh u tha gjithashtu se objektivat e përcaktuara të zhvillimit u arritën me sukses dhe se u kalua në një fazë të re në rrugën e modernizimit sipas modelit kinez.