Albania News Agency

Presidentja e Parlamentit Evropian, Roberta Metsola, publikoi një deklaratë lidhur me forcimin e Agjencisë Evropiane të Kimikateve.

Metsola tha se marrëveshja për forcimin e strukturës së qeverisjes dhe financimit të agjencisë do të sigurojë produkte më të sigurta dhe mbrojtje më të fortë kundër kimikateve të dëmshme në të gjithë Evropën.

Duke theksuar se marrëveshja përbën një hap të rëndësishëm, Metsola falënderoi kryetarin e Komisionit për Mjedisin të Parlamentit Evropian, raportuesin dhe ekipin e Parlamentit Evropian, si edhe Këshillin e Bashkimit Evropian dhe presidencën e radhës për kontributin e tyre në proces.