Albania News Agency

Presidentja e Parlamentit Evropian, Roberta Metsola, vlerësoi vendimin e ri të Bashkimit Evropian (BE) ndaj Iranit.

Duke theksuar rëndësinë e vendimit, Metsola tha: “Evropa është gati të ngrejë zërin. Ta shpallësh Gardën Revolucionare shtypëse të regjimit iranian si organizatë terroriste është një vendim i drejtë; deri para disa javësh shumëkush thoshte se kjo ishte e pamundur”.

Duke vlerësuar përpjekjet e Parlamentit Evropian në këtë proces, Metsola e përmbylli deklaratën e saj me fjalët: “Jam krenare për përpjekjet e vazhdueshme dhe të bashkuara të Parlamentit Evropian që ndihmuan në realizimin e këtij përparimi. Tani është koha të qëndrojmë drejt. Irani do të jetë i lirë”.