Albania News Agency

Ministri i Punëve të Jashtme të Maqedonisë së Veriut, Timço Mucunski, zhvilloi një bisedë telefonike me Komisioneren e BE-së për Zgjerim, Marta Kos.

Mucunski tha: “Këtë pasdite zhvillova një bisedë telefonike me Komisioneren e BE-së për Zgjerim, Marta Kos”.

Duke ndarë detaje nga biseda, Mucunski theksoi: “U diskutuan zgjidhje konkrete dhe të qëndrueshme për sfidat me të cilat përballen operatorët profesionalë të transportit, si dhe çështja e tarifave të çelikut, duke u theksuar nevoja për veprime të koordinuara dhe në kohë për të shmangur pasojat negative ekonomike”.

Duke ritheksuar vendosmërinë e Maqedonisë së Veriut në rrugën evropiane, Mucunski e përmbylli deklaratën: “Rikonfirmuam përkushtimin tonë të fortë ndaj procesit të reformave, vazhdimësisë së zbatimit dhe miratimit të legjislacionit që është në qendër të agjendës evropiane”.