Albania News Agency

Presidenti i Malit të Zi, Jakov Milatovic, priti ambasadoren e Çekisë në Podgoricë, Janina Hrebickova, në kuadër të vizitës së saj lamtumirëse.

Pas takimit, Milatovic falënderoi Hrebickova për bashkëpunimin e hapur, të përkushtuar dhe gjithëpërfshirës, si dhe për kontributin e saj personal në forcimin e marrëdhënieve mes Malit të Zi dhe Çekisë.

Duke theksuar se e vlerësojnë mbështetjen e fortë të Çekisë për procesin e anëtarësimit të Malit të Zi në Bashkimin Evropian dhe gatishmërinë për të zhvilluar më tej bashkëpunimin politik, ekonomik dhe institucional, Milatovic tha: “Diskutuam gjithashtu vizitën time të ardhshme në Çeki. Kjo vizitë do të jetë një mundësi shtesë për të forcuar më tej marrëdhëniet mes vendeve tona”.

Milatovic i uroi Hrebickova suksese në punën e saj të ardhshme profesionale dhe në vazhdimin e karrierës diplomatike.