Albania News Agency

Shefi i stafit të Shtëpisë së Bardhë, Stephen Miller, bëri një deklaratë në lidhje me presidentin amerikan Donald Trump.

Miller deklaroi se ka qenë pranë Trump që nga dita e parë kur ai nisi garën presidenciale në vitin 2015. “Nëse nuk do të ishte presidenti Trump, Shtetet e Bashkuara të Amerikës mund të mos ekzistonin sot. Ky njeri e shpëtoi Amerikën”, tha ai. Miller pretendoi se Trump kishte shpëtuar ushtrinë amerikane nga kolapsi, ekonominë nga shkatërrimi dhe kufijtë nga zhdukja.

Duke iu referuar edhe atentatit ndaj Trump, gjatë të cilit ai u plagos nga një plumb, si dhe proceseve ligjore kundër tij, Miller pretendoi se Trump kishte shpëtuar gjithashtu Partinë Republikane. Miller deklaroi: “Duhet të qëndrojmë pranë këtij njeriu që ka qëndruar me të gjitha forcat pranë nesh dhe këtij vendi.”

Duke e cilësuar detyrën si shef i stafit të Trump si nderin më të madh të jetës së tij, Miller i premtoi presidentit amerikan “besnikëri absolute, përkushtim të palëkundur dhe mbështetje të plotë”.