Albania News Agency

Ministria e Punëve të Jashtme e Rusisë publikoi një deklaratë me rastin e 85-vjetorit të paradës ushtarake të zhvilluar më 7 nëntor 1941 në Sheshin e Kuq në Moskë gjatë Luftës së Dytë Botërore.

Në deklaratë thuhet se parada ishte një simbol i guximit të popullit sovjetik dhe i vendosmërisë së tij për të mbrojtur vendin.

Ministria theksoi se parada, e organizuar në kohën kur trupat naziste po i afroheshin Moskës, pati një ndikim të rëndësishëm në moralin e ushtrisë sovjetike gjatë kalimit nga mbrojtja në kundërofensivë. U bë e ditur se pas pjesëmarrjes së 28 mijë ushtarëve në paradë, në front u dërguan 140 topa artilerie, 160 tanke dhe 232 automjete të motorizuara, ndërsa ushtarët u nisën drejtpërdrejt nga Sheshi i Kuq drejt vijës së frontit.

Në deklaratë u theksua gjithashtu se parada pati një ndikim psikologjik mbi Gjermaninë naziste dhe se një muaj më vonë ushtria gjermane pësoi disfatën e saj të parë të madhe pranë Moskës. Ministria e Punëve të Jashtme e Rusisë rikujtoi mesazhin që parada e vitit 1941 i përcolli botës me fjalët: "Nuk do të përkulemi, nuk do të thyhemi. Fitorja do të jetë e jona."