Albania News Agency

Ministri i Punëve të Jashtme i Maqedonisë së Veriut, Mucunski, dhe zëvendëskryeministri dhe ministri i Punëve të Jashtme i Jordanisë, Al-Safadi, zhvilluan një takim në Nju Jork në kuadër të Asamblesë së Përgjithshme të Kombeve të Bashkuara.

Mucunski njoftoi në një postim në rrjetet sociale se gjatë takimit u nënshkrua një memorandum mirëkuptimi që parashikon zhvillimin e konsultimeve të rregullta politike ndërmjet dy ministrive.

Në takim u diskutuan forcimi i marrëdhënieve dypalëshe, koordinimi në organizatat shumëpalëshe, si dhe zhvillimet rajonale dhe globale.

Mucunski rikonfirmoi angazhimin e të dy vendeve për thellimin e dialogut politik dhe zgjerimin e bashkëpunimit në fusha me interes të ndërsjellë.