Albania News Agency

Ministria e Punëve të Jashtme e Ukrainës bëri një deklaratë lidhur me sulmin e Rusisë ndaj civilëve në qytetin Druzhkivka të rajonit Donetsk.

Në deklaratë theksohet se sulmi kishte në shënjestër civilët dhe vihet në dukje përdorimi i municioneve: “Në sulmin e kryer nga Rusia me bomba thërrmuese ndaj një tregu të mbushur me njerëz në Druzhkivka, rajoni Donetsk, u vranë të paktën 7 persona dhe u plagosën 15. Sulmi ndodhi në orët e mesditës, në një kohë kur tregu ishte i mbushur. Forcat ruse përdorën sistemin raketor shumëfish të lëshimit Smerch me municione thërrmuese, armë të dizajnuara për të shkaktuar dëme maksimale ndaj civilëve”.

Duke i bërë thirrje komunitetit ndërkombëtar të rrisë presionin, ministria theksoi se Rusia duhet të përballet me presion më të fortë ndërkombëtar dhe nënvizoi nevojën që Ukraina të forcojë mbrojtjen e saj ajrore për të ndalur këto sulme.