Albania News Agency

Sipas deklaratës së NASA-s, gjatë misionit të tij Williams mori pjesë në eksperimente për zhvillimin e trajtimeve të reja kundër kancerit, kontribuoi në kërkimet për prodhimin e materialeve për teknologjitë kompjuterike dhe elektronike dhe kreu dy ecje në hapësirë.

NASA bëri të ditur se Williams, së bashku me astronauten e Agjencisë Evropiane të Hapësirës (ESA), Sophie Adenot, zhvilloi studime mbi përpunimin në mjedisin hapësinor të materialeve në formë shkopi të frymëzuara nga ADN-ja. Sipas deklaratës, formimi më i njëtrajtshëm dhe më i qëndrueshëm i këtyre materialeve në kushte mikrograviteti mund të kontribuojë në zhvillimin e terapive të synuara kundër kancerit që mund të përdoren edhe në Tokë.

Gjithashtu u theksua se studimi synon që ilaçet të depërtojnë më thellë në indin tumoral, të qëndrojnë më gjatë në organizëm dhe të çlirohen në mënyrë të kontrolluar.