Albania News Agency

Këshilli Kombëtar për Bashkëpunim Trepalësh i Bullgarisë diskutoi projektin për rritjen e pagës minimale për vitin 2027. Sipas projektit, propozohet që nga 1 janari 2027 paga minimale mujore të rritet në 660 euro, ndërsa paga minimale për orë në 3,88 euro.

Ministrja e Punës dhe Politikës Sociale e Bullgarisë, Natalia Efremova, deklaroi se rritja e propozuar është përgatitur duke marrë parasysh kushtet ekonomike të vendit dhe mundësitë e buxhetit të shtetit. Efremova tha se kjo rritje do të përmirësojë të ardhurat e rreth 462 mijë personave që marrin pagën minimale.

Efremova bëri të ditur se për vitin 2027 parashikohet një rritje e pagës minimale prej 39,80 eurosh, ose 6,4 për qind. Ministrja theksoi se masa synon të kontribuojë në ruajtjen e fuqisë blerëse të punonjësve.

Pas diskutimeve, projekti do t'i paraqitet Këshillit të Ministrave për shqyrtim.