Albania News Agency

Lojërat e 2-ta Botërore të Robotëve Humanoidë, të organizuara bashkërisht nga Qeveria Popullore Komunale e Pekinit dhe Grupi Mediatik i Kinës (CMG), nisën sot në Pekin. Aktiviteti do të vazhdojë deri më 26 gusht dhe do të zhvillohen më shumë se 1 mijë e 300 gara në gjithsej 51 disiplina.

Disiplinat me konkurrencë të lartë të shtuara këtë vit, si kërcimi së gjati, ngritja e peshave, tërheqja e litarit dhe pingpongu, përbëjnë një test të vështirë qëndrueshmërie për të gjitha sistemet e robotëve, nga programet e inteligjencës artificiale dhe sistemet e ekuilibrit deri te strukturat e trupit dhe komponentët kryesorë. Gjithashtu do të zhvillohen gara speciale në nëntë skenarë të ndryshëm, përfshirë shtëpitë, hotelet dhe logjistikën, duke treguar potencialin e përdorimit praktik të robotëve humanoidë në jetën e përditshme dhe proceset e prodhimit.