Albania News Agency

Sipas njoftimit të Agjencisë Doganore të Bullgarisë, gjatë kontrollit të një kamioni me targa të huaja që tentoi të hynte në Bullgari më 25 korrik, midis mallrave të deklaruara u gjetën cigare të tre markave të ndryshme me pulla fiskale turke. Produktet e kontrabanduara të duhanit u sekuestruan, ndërsa ndaj shoferit, shtetas turk, u nis procedurë administrative.

Agjencia njoftoi gjithashtu se vetëm gjatë dy muajve të fundit në pikën doganore Lesovo janë sekuestruar mbi 2,5 milionë cigare kontrabandë, të cilat në shumicën e rasteve ishin fshehur mes ngarkesave të kamionëve që udhëtonin nga Turqia drejt vendeve të Bashkimit Evropian.