Albania News Agency

Kryeministri izraelit Netanyahu deklaroi në një postim në rrjetet sociale se nuk dëshiron që qeveria të jetë e varur nga partitë Ra’am dhe Lista e Përbashkët. Netanyahu i akuzoi këto parti për mbështetjen e terrorizmit dhe mohimin e ekzistencës së shtetit hebre.

Duke theksuar se që nga dita e parë kanë ndërmarrë përpjekje për të formuar një qeveri kombëtare me bazë të gjerë, Netanyahu u shpreh: “Shumica e qartë e votuesve hebrenj zgjodhi Likud-in si partinë më të madhe dhe mua si kryeministër për të udhëhequr qeverinë e ardhshme”.

Lidhur me synimet për formimin e qeverisë, Netanyahu deklaroi: “Synojmë të formojmë një qeveri me bazë të gjerë me partnerët tanë dhe çdo parti që nuk mbështet terrorizmin. Jam i hapur për dialog për këtë çështje”.