Albania News Agency

Pentagoni pretendon se kjo politikë vendos rregulla të „arsyeshme“ që e mbrojnë ushtrinë nga publikimi i informacionit që mund ta vërë atë në rrezik.

New York Times, të enjten, paditi Pentagonin duke kërkuar anulimin e rregullave të reja të vendosura nga Hegseth, të cilat çuan në largimin e shumë mediave kryesore nga ndërtesa.

Times deklaroi se këto rregulla shkelin dispozitat kushtetuese për lirinë e shprehjes dhe të drejtën për një proces të drejtë, sepse i japin Hegseth-it autoritet të vendosë vetë nëse një gazetar lejohet ose ndalohet.

Media si Times u larguan nga Pentagoni në vend që të pranonin këto kushte për marrjen e kartës së shtypit.

Tani, salla e shtypit në Pentagon dominohet kryesisht nga media konservatore që kanë pranuar rregullat e reja.