Albania News Agency

Sipas CCTV, në Republikën Demokratike të Kongos (RDK), numri i rasteve të Ebolës është rritur në 676, ndërsa numri i viktimave ka arritur në 136.

Sipas raportit më të fundit të autoriteteve shëndetësore, vetëm brenda një dite janë regjistruar 41 raste të reja dhe 9 vdekje të reja në provincat Ituri dhe Kivu i Veriut.

Është bërë e ditur se shpërthimi është shkaktuar nga lloji Bundibugyo i virusit Ebola dhe është përhapur në 29 zona shëndetësore në Ituri, Kivu i Veriut dhe Kivu i Jugut.

Autoritetet theksuan se rastet vazhdojnë të rriten çdo javë, gjë që tregon se transmetimi në komunitet vazhdon. Gjithashtu u paralajmërua se pa ndërhyrje të shpejtë, shpërthimi mund të përhapet në rajone të reja.

Raporti thekson se 5.768 persona kontakt janë nën monitorim, por shkalla e gjurmimit të kontakteve mbetet në 71,8 për qind, shumë më poshtë se objektivi prej 95 për qind.

Shpërthimi u shpall më 15 maj dhe është epidemia e 17-të e Ebolës në vend që nga viti 1976. Lëvizjet masive të popullsisë në rajon rrisin rrezikun e përhapjes së sëmundjes në vendet fqinje.