Albania News Agency

OKB-ja dhe OBSH-ja theksuan se përdorimi i panevojshëm ose i gabuar i antibiotikëve çon në atë që bakteret, viruset, kërpudhat dhe parazitët të mos i përgjigjen më ilaçeve, duke u shndërruar në një kërcënim global për shëndetin.

OBSH rekomandon që antibiotikët të përdoren vetëm kur përshkruhen nga mjeku, të kontrollohet nëse receta është trajtimi i vijës së parë dhe të parandalohet infeksioni përmes larjes së duarve dhe vaksinimit. Organizata thekson rëndësinë e përdorimit “me mençuri dhe kujdes” të antibiotikëve.

Gjithashtu, OBSH thekson se antibiotikët nuk duhet të përdoren për sëmundje virale si ftohja dhe gripi, nuk duhet të ndahen me persona të tjerë dhe nuk duhet të ruhen “për më vonë”.