Albania News Agency

Organizata e Kombeve të Bashkuara (OKB) paralajmëroi se kriza e kequshqyerjes së fëmijëve në Afganistan po thellohet.

Sipas një njoftimi të OKB-së, rreth 3,7 milionë fëmijë në vend vuajnë nga dobësimi akut (wasting). Rreth 1 milion prej këtyre fëmijëve vuajnë nga kequshqyerja akute e rëndë.

U bë e ditur se kriza është rënduar më tej për shkak të mbylljes së shërbimeve të ushqyerjes si pasojë e shkurtimeve të financimit. Ndërprerjet në shërbime kufizojnë mbështetjen që u ofrohet fëmijëve në luftën kundër kequshqyerjes.

UNICEF bëri thirrje për më shumë mbështetje për të mbrojtur fëmijët dhe për të siguruar vazhdimësinë e shërbimeve jetëshpëtuese të ushqyerjes.

OKB theksoi nevojën për rritjen e mbështetjes financiare, në mënyrë që të përmbushen nevojat bazë ushqimore të fëmijëve në Afganistan dhe të parandalohet thellimi i mëtejshëm i krizës aktuale.