Albania News Agency

Kryeministri i Polonisë, Donald Tusk, deklaroi se Rusia po përshkallëzon tensionet në rajon me zhvillimet në Poloni, vendet baltike, Rumani dhe së fundmi në Gjermani.

Tusk tha se nuk do të frikësohen nga qëndrimi i Rusisë në rajon, duke deklaruar se përgjigjja do të jetë vazhdimi i mbështetjes për Ukrainën dhe koordinimi i plotë i vendeve të NATO-s ndaj Rusisë.

Duke tërhequr vëmendjen te rëndësia e veprimit të përbashkët të vendeve të NATO-s kundër agresorit, Tusk tha se Rusia nuk do të arrijë objektivat e luftës që po zhvillon dhe shtoi: “Rusia nuk do ta fitojë këtë luftë”.