Albania News Agency

Kryeministri i Hungarisë Viktor Orban foli për sovranitetin e vendit të tij dhe politikën ndaj Ukrainës përpara zgjedhjeve të ardhshme.

Duke reaguar ndaj ndërhyrjeve të jashtme në procesin zgjedhor, Orban tha: "Ndërhyrja e huaj në zgjedhjet e Hungarisë është e papranueshme dhe nuk është as rastësi".

Duke theksuar se qëndrimi i tij për çështjen e Ukrainës është i qartë, Orban u shpreh: "Ata e dinë se për sa kohë Hungaria ka një qeveri patriotike, ne nuk do t’i dërgojmë Ukrainës as edhe një qindarkë dhe nuk do ta mbështesim anëtarësimin e saj në BE".

Orban theksoi se vullneti i popullit hungarez është thelbësor, duke deklaruar: "Populli hungarez duhet ta përcaktojë vetë të ardhmen e tij".