Albania News Agency

Në deklaratën e Ministrisë së Jashtme të Palestinës thuhet: “Ne dënojmë ashpër masakrat e vazhdueshme të kryera në Rripin e Gazës nga qeveria okupatore ekstremiste e djathtë e Izraelit, si dhe sulmet që përbëjnë shkelje të hapur të të gjitha rregullave të së drejtës ndërkombëtare dhe humanitare, si edhe të marrëveshjes së armëpushimit.”

Deklarata thekson se këto politika të gjenocidit dhe zhvendosjes me forcë, të cilat synojnë sistematikisht civilët, përbëjnë një sabotim të qartë të përpjekjeve ndërkombëtare për vendosjen e paqes në rajon:

“Vetëm sot, si rezultat i bombardimeve të planifikuara ndaj shtëpive të populluara dhe zonave të banuara, janë vrarë 22 palestinezë dhe mbi 83 persona janë plagosur; mes të plagosurve ka edhe në gjendje kritike.”

Deklarata nënvizon se vetëm presioni ndërkombëtar mund të ndalojë sulmet izraelite, të mbrojë jetët e civilëve palestinezë dhe të sigurojë fillimin e menjëhershëm të zbatimit të zgjidhjeve të vërteta politike.