Albania News Agency

Bisedimet për mënyrën se si marrëveshja mund të pezullohet në të ardhmen do të vazhdojnë, por deputetët mund ta hedhin në votim që në muajin mars.

Marrëveshja e nënshkruar në korrik 2024 nga presidenti Trump dhe presidentja e Komisionit Evropian Ursula von der Leyen parashikonte vendosjen e tarifave 15% nga SHBA ndaj eksporteve të BE-së, ndërsa BE angazhohej të ulte në zero tarifat ndaj mallrave amerikane.

Procesi ishte pezulluar pasi Trump kërcënoi disa vende të BE-së me tarifa nëse nuk do të pranonin kërkesat territoriale të SHBA-së.

Kryetari i Komisionit për Tregtinë i Parlamentit Evropian, Bernd Lange, tha se puna mbi dy projektligjet do të përshpejtohet me kusht që SHBA të respektojë sovranitetin dhe integritetin territorial të BE-së.

Sipas Lange, shumica e grupeve politike vendosën heqjen e pezullimit të marrëveshjes.

Socialistët, Demokratët, Renew Europe dhe Të Gjelbrit kërkojnë një klauzolë pezullimi, ndërsa PPE kërkon rifillim të shpejtë për të siguruar stabilitet për bizneset.

Eurodeputetja kroate Željana Zovko deklaroi se synimi është forcimi i partneritetit transatlantik dhe siguria për bizneset evropiane.