Albania News Agency

Sipas CCTV, pas tërmeteve të fuqishme që goditën Venezuelën më 24 qershor, operacionet e kërkim-shpëtimit vazhdojnë, ndërsa kompanitë kineze po marrin pjesë aktivisht në operacionet humanitare.

Kryetari i Asamblesë Kombëtare të Venezuelës, Jorge Rodríguez, njoftoi se numri i viktimave ka arritur në 1.943, ndërsa të plagosurit kanë kaluar shifrën 10 mijë.

Pas katastrofës, kompanitë kineze që veprojnë në rajon dërguan makineri të rënda në shtetin La Guaira për të ndihmuar në kërkimin e personave të mbetur nën rrënoja.

Përfaqësuesi i kompanisë, Yang Menggi, tha se buldozerët, ekskavatorët dhe gjeneratorët u transportuan me shpejtësi në zonë, ekipet punuan pa ndërprerje dhe gjatë operacionit një person u shpëtua i gjallë.

Ambasada e Kinës në Venezuelë deklaroi se rreth 10 kompani kineze kontribuan me pajisje, dërgesa materialesh dhe pjesëmarrje në operacionet e kërkim-shpëtimit.