Albania News Agency

Kryeministri i Kroacisë, Andrej Plenkovic, bëri deklarata lidhur me investimet në rajon gjatë aktivitetit të zhvilluar në Split me rastin e Ditës së Qarkut Split-Dalmaci.

Plenkovic tha se të ardhurat e rajonit janë rritur me 65 milionë euro krahasuar me vitin 2017, duke shënuar një rritje prej 260 për qind, numri i të siguruarve ka arritur në 194 mijë dhe paga mesatare është rritur nga 700 euro në vitin 2016 në 1.497 euro.

Plenkovic bëri të ditur se në fushën e transportit është hapur Tuneli Kozjak, ndërsa vazhdojnë projektet e nyjës Vucevica dhe rrugës së shpejtë Mravince-Stobrec-Dugi Rat-Omis, duke shtuar se në infrastrukturën arsimore janë investuar 570 milionë euro.

Plenkovic tha se ndërtimi i Qendrës së re Klinike Spitalore të Splitit (KBC Split) është gjithashtu një projekt i rëndësishëm dhe shtoi se investimet në kulturë, sport, menaxhimin e mbetjeve dhe turizëm vazhdojnë.