Albania News Agency

Korrespondenti i CGTN, Barish Liu, tha se sot Kina përkujton 94-vjetorin e Ngjarjes së 18 Shtatorit, e cila shpërtheu në vitin 1931 në verilindje të vendit.

Liu theksoi se kjo ngjarje konsiderohet fillimi i Luftës së Popullit Kinez kundër Agresionit Japonez dhe Luftës Botërore kundër Fashizmit dhe shtoi: “Në ceremonitë përkujtimore u nderuan me respekt gjenerali Yang Jingyu, i cili luftoi i vetëm kundër pushtuesve në kushte të ashpra dimërore, komandantja Zhao Yiman, e cila ra dëshmore pa u dorëzuar pavarësisht torturave të rënda, si dhe pesë ushtarë që u hodhën në humnerë në Malin e Dhëmbit të Ujkut. Sakrifica dhe guximi i heronjve lanë gjurmë të pashlyeshme në historinë e kombit kinez.”

Barish Liu vuri në dukje se kjo luftë ka mbetur në kujtesë dhe vazhdoi:

“Edhe pse tymi i luftës është shpërndarë, ajo përballje e pamëshirshme deri në vdekje ende jeton në kujtesë. Populli kinez vazhdon me vendosmëri të bëjë përpjekje për të ecur përpara pa harruar historinë. Drejtësia gjithmonë triumfon! Paqja gjithmonë triumfon! Populli gjithmonë triumfon!”