Albania News Agency

Yermak bëri të ditur se qeveria australiane ka vendosur ta ulë tavanin e çmimit për naftën ruse nga 60 dollarë në 47,60 dollarë për fuçi, duke theksuar mirënjohjen e Ukrainës për këtë hap.

Sipas tij, ky veprim do të ulë vlerën e tregut të naftës ruse dhe do të ngushtojë më tej të ardhurat nga shitjet e energjisë, me të cilat financohet kompleksi ushtarako-industrial rus.

“Përveç kësaj, Australia ka vendosur sanksione ndaj 95 anijeve të ashtuquajturit ‘flotë në hije’ që Rusia përdor për të anashkaluar sanksionet. Në total, mbi 150 anije janë tashmë nën sanksionet australiane. Këto mekanizma shmangieje jo vetëm që furnizojnë financiarisht luftën e Rusisë, por krijojnë edhe rreziqe serioze mjedisore dhe detare.”

Ai shtoi se vendimi është marrë në koordinim me Bashkimin Evropian, Mbretërinë e Bashkuar, Kanadanë, Japoninë dhe Zelandën e Re: “Kjo forcon edhe më shumë koalicionin e përbashkët të sanksioneve që në mënyrë sistematike ‘i pret oksigjenin’ makinerisë së luftës së Rusisë.”