Albania News Agency

Presidenti i Malit të Zi Milatovic priti në Cetinjë delegacionin e kryesuar nga senatorët amerikanë Jeanne Shaheen dhe Dick Durbin.

Në një postim në rrjetet sociale, Milatovic njoftoi se gjatë takimit i kishte dorëzuar senatores Shaheen Urdhrin e Flamurit të Malit të Zi të shkallës së parë.

Milatovic tha se dekorata iu dha në shenjë mirënjohjeje për mbështetjen shumëvjeçare të Shaheen ndaj Malit të Zi, anëtarësimit të vendit në NATO dhe rrugës së tij evropiane, duke shtuar se takimet në Uashington dhe Cetinjë treguan vendosmërinë e përbashkët për të forcuar miqësinë dhe bashkëpunimin mes dy vendeve.

Milatovic theksoi kontributin e veçantë të Shaheen në marrëdhëniet e besimit, partneritetit dhe aleancës mes dy vendeve.