Albania News Agency

Presidenti i Malit të Zi, Jakov Millatoviq, vizitoi Manastirin e Deçanit pas vizitës së tij të punës në Rozhajë.

Në një deklaratë të publikuar në rrjetet sociale, Millatoviq u shpreh se manastiri ka ruajtur trashëgiminë shpirtërore dhe kulturore për shtatë shekuj dhe dëshmon rëndësinë e besimit, traditave dhe trashëgimisë historike.

Duke falënderuar igumenin e manastirit, Sava, dhe komunitetin monastik për pritjen e ngrohtë dhe mikpritjen, Millatoviq theksoi se vende të tilla na kujtojnë rëndësinë e ruajtjes së vlerave shpirtërore, respektimit të historisë dhe përcjelljes te brezat e ardhshëm të trashëgimisë së marrë nga e kaluara.

Millatoviq deklaroi se Manastiri i Deçanit, me trashëgiminë e tij që i ka rezistuar kohës, vazhdon të jetë një vend qetësie shpirtërore dhe lutjeje.