Albania News Agency

Ministri i Jashtëm kroat Radman bëri një deklaratë lidhur me arrestimin e Milorad Kovaçeviçit në Mal të Zi me kërkesë të Republikës së Kroacisë.

“Ne e mirëpresim arrestimin e Milorad Kovaçeviçit në Mal të Zi me kërkesë të Kroacisë, si dhe bashkëpunimin ndërmjet autoriteteve kompetente të dy vendeve në kuadër të kësaj çështjeje”, tha Radman.

Duke theksuar se Kovaçeviçi akuzohet për krime lufte të kryera gjatë Luftës së Atdheut, Radman u shpreh: “Jemi në kontakt të vazhdueshëm me institucionet e Malit të Zi në lidhje me ekstradimin e tij”.

Duke vënë në dukje se ky zhvillim tregon se krimet e luftës të kryera gjatë Luftës së Atdheut nuk parashkruhen, Radman shtoi se Qeveria e Kroacisë do të vazhdojë bashkëpunimin për hetimin e këtyre krimeve dhe ndëshkimin e autorëve.