Albania News Agency

Sipas raportit, në studimin ku u analizuan 125 kompani nga sektori i minierave dhe industrisë përpunuese, humbjet vjetore të shkaktuara nga rreziqet fizike klimatike pritet të arrijnë në rreth 26 milionë euro në vitin 2035 dhe 38 milionë euro në vitin 2050. Në skenarë negativë, kjo shumë mund të arrijë në 70-85 milionë euro.

Analiza thekson se rreziqet më të mëdha për bizneset janë reshjet e dendura, përmbytjet, valët e të nxehtit dhe temperaturat ekstreme. Gjithashtu, kostot në rritje të ftohjes, ulja e produktivitetit të fuqisë punëtore dhe ndërprerjet në zinxhirët e furnizimit rrisin humbjet ekonomike.

EY denkstatt theksoi se Bullgaria është ndër vendet më të cenueshme të Bashkimit Evropian ndaj ndryshimeve klimatike dhe rekomandoi që kompanitë të integrojnë rreziqet klimatike në planifikimin e kapitalit, menaxhimin e aseteve, qëndrueshmërinë operative dhe proceset e vlerësimit të investimeve dhe portofolit.

Raporti shton gjithashtu se rreziqet fizike klimatike mund të përbëjnë një rrezik financiar sistemik që prek jo vetëm kompanitë, por edhe sektorin financiar, për shkak të peshës së sektorit industrial në sistemin bankar.