Albania News Agency

Sekretari amerikan i Shtetit Marco Rubio bëri të ditur se është nisur një proces i ri sanksionesh kundër personave që banojnë në SHBA dhe veprojnë në favor të regjimit iranian.

Duke tërhequr vëmendjen te identiteti dhe veprimtaritë e këtyre personave, Rubio tha: “Deri së fundmi, Hamideh Soleimani Afshar dhe vajza e saj ishin persona që jetonin në luks në SHBA dhe kishin leje qëndrimi. Afshar është mbesa e gjeneralmajorit të ndjerë iranian Qasem Soleimani. Ajo është gjithashtu një mbështetëse e hapur e regjimit iranian; ka festuar sulmet ndaj amerikanëve dhe e ka quajtur vendin tonë ‘Djalli i Madh’”

Duke theksuar se procesi ligjor u vu në lëvizje me shpejtësi, ministri Rubio deklaroi: “Këtë javë i kam përfunduar statusin ligjor si Afshar-it ashtu edhe vajzës së saj, dhe ato aktualisht ndodhen nën mbikëqyrjen e ICE ndërsa presin të dëbohen nga SHBA”

Duke vënë në pah parimet e sigurisë kombëtare dhe politikës së jashtme të administratës Trump, Rubio e përfundoi deklaratën e tij me fjalët: “Administrata Trump nuk do të lejojë që vendi ynë të strehojë shtetas të huaj që mbështesin regjime terroriste antiamerikane”