Albania News Agency

Kryeministri spanjoll Pedro Sanchez shprehu ngushëllimet e tij për familjarët e viktimave të aksidentit hekurudhor në vend dhe u uroi shërim të shpejtë të plagosurve.

Duke theksuar se Spanja është në zi, Sanchez deklaroi: “Jemi solidarë me familjet e viktimave dhe me të plagosurit. U urojmë të plagosurve shërim sa më të shpejtë.” Sanchez tha se pas aksidentit përparësia kryesore janë viktimat dhe personat e prekur.

Duke vlerësuar punën e ekipeve të emergjencës dhe koordinimin ndërmjet institucioneve, Sanchez tha: “Vlerësojmë edhe një herë përpjekjet e mëdha të shërbimeve të emergjencës dhe koordinimin e jashtëzakonshëm ndërmjet institucioneve.”

Sanchez njoftoi se po punohet për të zbardhur shkaqet e aksidentit. “Nëse ka pasur neglizhencë ose gabime, ato do të zbulohen dhe do të veprohet me vendosmëri”, deklaroi ai. Sanchez shtoi gjithashtu se pas kësaj tragjedie do të rikthehet besimi në sistemin hekurudhor të shpejtësisë së lartë të Spanjës.