Albania News Agency

Presidentja e Moldavisë, Maia Sandu, foli për sulmet e fundit të përgjakshme ajrore të ushtrisë ruse ndaj kryeqytetit ukrainas Kiev, viktimat civile dhe reagimin diplomatik që komuniteti ndërkombëtar duhet të japë ndaj këtij agresioni.

Duke shprehur ngushëllimet për familjet e viktimave dhe duke bërë të qartë qëndrimin e vendit të saj, Sandu tha: "Në një tjetër sulm brutal rus ndaj Kievit, civilët u vranë në shtëpitë e tyre. Shpreh ngushëllimet e mia më të sinqerta për familjet. Moldavia është në krah të Ukrainës."

Sandu theksoi se komuniteti ndërkombëtar duhet të ndërmarrë hapa më vendimtarë ndaj Moskës dhe e përfundoi deklaratën e saj me fjalët:

"Përgjigjja e botës duhet të jetë që përgjegjësit për këto krime të japin llogari, të ushtrohet më shumë presion mbi Rusinë dhe t'i jepet mbështetje më e fortë Ukrainës."