Albania News Agency

Një shpërthim ndodhi në një depo municionesh pranë fshatit Belitsa, në rajonin e Gabrovos në Bullgari.

Sipas një deklarate të Ministrisë së Brendshme të Bullgarisë, pas shpërthimit që ndodhi pak para orës 11:00, në vendngjarje u dërguan ekipe të policisë, zjarrfikësve, xhandarmërisë dhe shërbimeve të emergjencës. Nuk u raportuan viktima.

Ministri i Brendshëm Ivan Demerdzhiev deklaroi se janë marrë masa për evakuimin e banorëve të fshatit Belitsa dhe vendbanimeve përreth, por theksoi se evakuimi është me karakter parandalues.

Demerdzhiev tha se po kryhen punimet e nevojshme për vënien nën kontroll të zjarrit dhe se shkaqet e incidentit po hetohen. Duke vënë në dukje se shpërthimi ndodhi gjatë ditës, në një kohë kur punonjësit ndodheshin në vend, ai tha se ka më shumë gjasa që shkaqet të jenë të brendshme.

Demerdzhiev tha: “Ministria e Brendshme nuk mund të zëvendësojë të gjitha sistemet që mungojnë në shtet, arsimin që është përkeqësuar dhe edukimin familjar. Mos prisni gjithçka vetëm nga Ministria e Brendshme, sepse ajo nuk është i vetmi institucion që ka përgjegjësi ndaj të rinjve”.