Albania News Agency

Kryeministri i Malit të Zi, Milojko Spajic, tha se marrëdhëniet mes Malit të Zi dhe Shteteve të Bashkuara janë zyrtarisht në nivelin më të lartë që nga vendosja e marrëdhënieve diplomatike.

Duke iu referuar marrëveshjes së re mes dy vendeve, Spajic deklaroi: „Marrëveshja ndërqeveritare (G2G) mes Malit të Zi dhe Shteteve të Bashkuara është marrëveshja e shtatë që kemi nënshkruar me vende mike dhe aleate.“

Duke vlerësuar përfitimet ekonomike dhe teknologjike të marrëveshjes, Spajic tha: „Në këtë mënyrë hapim rrugën për investimet amerikane dhe teknologjitë moderne, ndërsa rezultatet e këtij bashkëpunimi do të shihen në vitet e ardhshme.“

Spajic e përfundoi deklaratën me fjalët: „Së bashku me partnerët tanë po ndërtojmë një Mal të Zi më të fortë dhe më të begatë.“