Albania News Agency

Kryeministri i Malit të Zi, Spajic, publikoi në llogarinë e tij në rrjetet sociale një mesazh për Buducnost, një nga klubet kryesore të basketbollit të vendit, përpara sezonit të ri.

Spajic tha se Buducnost prej dekadash është një nga përfaqësuesit më të njohur sportivë të Malit të Zi, krenaria e Podgoricës dhe një nga simbolet e sportit malazez në të gjithë Evropën.

Duke theksuar se pritshmëritë e tifozëve janë gjithmonë të larta, Spajic tha: "Sepse një shtet që investon në sport nuk investon vetëm në fitore, trofe dhe rezultate. Ai investon në zhvillimin e të rinjve, në ëndrrat e fëmijëve tanë dhe në të ardhmen që po ndërtojmë së bashku."

Duke i uruar suksese Buducnost përpara sezonit të ri, Spajic tha: "Sezon i ri, sfida të reja dhe kapituj të rinj që do të mbahen mend. Jemi me ju."