Albania News Agency

Kryeministri i Malit të Zi, Milojko Spajiç, zhvilloi një takim të nivelit të lartë me Princin e Kurorës së EBA-së, Sheikun Hamdan bin Mohammed Al Maktoum, gjatë vizitës së tij në Emiratet e Bashkuara Arabe.

Duke theksuar vendosmërinë për thellimin e marrëdhënieve dypalëshe, Spajiç deklaroi: “Në takimin me Zëvendëspresidentin dhe Ministrin e Mbrojtjes të EBA-së, Princin e Kurorës së Dubait Sheikun Hamdan bin Mohammed Al Maktoum, shprehëm përkushtimin tonë të plotë ndaj një partneriteti strategjik të bazuar në miqësi dhe besim të ndërsjellë.”

Duke vënë në dukje suksesin e EBA-së në fushën e sigurisë, Kryeministri Spajiç tha: “Duke pasur parasysh se Emiratet e Bashkuara Arabe renditen ndër vendet më të sigurta në botë, diskutuam mundësitë për zhvillimin e bashkëpunimit në fusha të ndryshme, përfshirë edhe sigurinë.”