Albania News Agency

Kryeministri suedez Ulf Kristersson deklaroi të enjten se autoritetet suedeze kanë kërkuar "qartësi" nga Kina për atë që ndodhi javën e kaluar me dy kabllo optike ndërmjet Finlandës dhe Gjermanisë dhe ndërmjet Suedisë dhe Lituanisë.

Gjatë një konference për shtyp, Kristersson tha: "Sot mund të them se kemi bërë një kërkesë zyrtare për të bashkëpunuar me autoritetet suedeze për të qartësuar se çfarë ka ndodhur. Shpresojmë që Kina të zgjedhë të bashkëpunojë sipas kërkesës sonë."

Kjo deklaratë vjen mes spekulimeve për anijen kineze Yi Peng 3, e cila kaloi mbi kabllot e internetit të dëmtuar në Detin Baltik gjatë incidentit dhe që nga 19 nëntori është ankoruar në ngushticën Kattegat ndërmjet Suedisë dhe Danimarkës, nën mbikëqyrjen e disa anijeve, përfshirë ato të marinës daneze.

Suedia, e cila kryeson hetimin, ka refuzuar të komentojë mbi akuzat, ndërsa Ministria e Jashtme kineze ka mohuar çdo përgjegjësi.

Wall Street Journal raportoi se hetuesit dyshojnë se ekuipazhi i anijes kineze qëllimisht ka dëmtuar kabllot duke tërhequr spirancën në fund të detit për më shumë se 100 milje javën e kaluar.