Albania News Agency

Sybiha tha se qindra dronë dhe raketa u përdorën kundër Kievit dhe qyteteve e rajoneve të tjera, duke shkaktuar vdekjen e shumë civilëve, ndërprerje të energjisë elektrike në kryeqytet dhe duke lënë një të tretën e Kievit pa ngrohje në kushtet e dimrit.

Duke theksuar se Rusia u përgjigjet nismave për paqe vetëm me “sulme brutale”, Sybiha deklaroi se refuzimi i Putinit ndaj paqes duhet të ketë pasoja shumë të rënda për të dhe regjimin e tij.

Sybiha shtoi se SHBA-ja, Evropa dhe partnerët e tjerë kanë mjetet e nevojshme për të rritur presionin ndaj Rusisë, si ekonomikisht ashtu edhe përmes humbjeve ushtarake në terren, dhe se kjo kosto duhet të rritet ndjeshëm.