Albania News Agency

Ministri i Jashtëm i Ukrainës, Andrii Sybiha, gjatë takimit me përfaqësuesit e vendeve të G7-ës në Paris, diskutoi hapat për t'i dhënë fund luftës në Ukrainë.

Gjatë takimit u shqyrtuan forcimi i kapaciteteve mbrojtëse të Ukrainës, sigurimi i ndihmës shtesë energjetike, krijimi i burimeve financiare për rindërtimin dhe ashpërsimi i sanksioneve ndaj Rusisë.

Sybiha deklaroi se e konsideron të papranueshme lehtësimin e sanksioneve sportive ndaj Rusisë, ndërkohë që ajo vazhdon sulmet në Ukrainë. Ai kërkoi shtimin e kufizimeve ndaj flotës në hije të Rusisë dhe financimit të luftës.

Sybiha bëri të ditur se Ukraina ka paraqitur propozime për rivendosjen e lirisë së lundrimit në Detin e Zi dhe theksoi rëndësinë e mbështetjes ndërkombëtare kundër përpjekjeve të Rusisë për të fshehur krimet e saj të luftës.

Sybiha u shpreh se veprimi i bashkuar i vendeve të G7-ës është i rëndësishëm për forcimin e pozitës së Ukrainës dhe për ta detyruar Rusinë t'u japë fund sulmeve të saj.