Albania News Agency

Në deklaratën e Ministrisë së Jashtme të Ukrainës thuhet se Rusia ka kryer për herë të dytë brenda një jave një sulm të gjerë kundër civilëve në Ukrainë. “Për herë të dytë brenda një jave, Rusia kreu një sulm të madh ndaj civilëve në Ukrainë. Për herë të dytë brenda një jave në Kiev u shpall ditë zie”, thuhet në deklaratë.

Në deklaratë pretendohet gjithashtu se Rusia përdor sistematikisht raketa balistike kundër civilëve. “Sot një raketë balistike goditi një ndërtesë banimi, duke vrarë dhe plagosur njerëz të pafajshëm”, thuhet në tekst.

Ministria e Jashtme e Ukrainës theksoi rëndësinë e mbështetjes për sistemet e mbrojtjes ajrore, duke deklaruar: “Çdo vonesë në dorëzimin e raketave të mbrojtjes ajrore, përfshirë Patriot, kushton jetë njerëzish. Çdo vonesë i jep Rusisë mundësinë të vrasë më shumë njerëz. Ukraina duhet të ketë mjetet për të mbrojtur popullin e saj.”