Albania News Agency

Presidenti i SHBA Donald Trump deklaroi se kapaciteti ushtarak i Iranit është shkatërruar në masë të madhe dhe koha po punon kundër Teheranit.

Duke iu përgjigjur kritikave dhe situatës në terren, Trump tha: “Për ata që lexojnë New York Times-in e dështuar ose shikojnë CNN që përhap lajme të rreme dhe mendojnë se jam ‘i shqetësuar’ për t’i dhënë fund luftës me Iranin, dua të them se jam personi me më pak presion në këtë pozicion. Kam gjithë kohën e botës, por Irani nuk e ka”.

Duke iu referuar humbjeve ushtarake të Iranit dhe bllokadës aktuale, Trump u shpreh: “Flota iraniane është në fund të detit, forcat ajrore janë shkatërruar, sistemet kundërajrore dhe radarët janë zhdukur, udhëheqësit e tyre nuk janë më mes nesh, bllokada është e fortë dhe e fuqishme dhe gjërat do të përkeqësohen më tej — koha nuk është në anën e tyre!”

Duke paraqitur kushtet për një proces të mundshëm negociatash, Trump tha: “Një marrëveshje do të arrihet vetëm kur të jetë e përshtatshme dhe e mirë për Shtetet e Bashkuara, aleatët tanë dhe në fakt për pjesën tjetër të botës”.