Albania News Agency

Presidenti Donald Trump paralajmëroi se mund të aktivizojë këtë ligj shekullor për të dislokuar trupa amerikane në Minesota, ndërsa autoritetet shtetërore dhe federale përplasen mbi taktikat e përdorura nga agjentët e imigracionit.

Mbrëmë vonë, pranë vendit ku një agjent federal dyshohet se qëlloi dhe plagosi një burrë që pretendohet se e sulmoi, shpërthyen përplasje mes forcave të rendit dhe protestuesve. Gjatë përplasjes, Departamenti i Sigurisë Kombëtare (DHS) tha se dy persona dolën nga një ndërtesë banimi aty pranë dhe sulmuan oficerin me një lopatë bore dhe një bisht fshese. Pasi i dyshuari arriti të largohej dhe t’i bashkohej sulmit, DHS deklaroi se oficeri kreu “të shtëna në vetëmbrojtje” dhe e plagosi burrin në këmbë.

Të enjten në mbrëmje, ndërsa tensionet vazhdonin, gjatë një proteste kundër ICE-s para Ndërtesës Federale Bishop Henry Whipple, pas hedhjes së një lloj predhe drejt agjentëve federalë, një ekip i CNN u godit me municione me gaz. FBI po ofron një shpërblim deri në 100 mijë dollarë për informacion pas dëmtimit të disa automjeteve të agjencive të ndryshme mbrëmë.