Albania News Agency

Duke folur për Wall Street Journal, Trump tha: “Nuk i pëlqej sulmet e armatosura. Nuk më pëlqejnë. Por nuk më pëlqen as kur dikush hyn në një protestë me një armë shumë të fuqishme dhe dy karikatorë plot. As kjo nuk është gjë e mirë”.

Sipas Departamentit të Sigurisë së Brendshme, Pretti mbante një pistoletë gjysmë-automatike.

Megjithatë, raportet ndryshojnë. Sipas New York Times, i cili shqyrtoi pamjet e incidentit, 37-vjeçari Pretti mbante në dorë një telefon celular dhe jo një armë.

Trump shmangu komentet nëse oficeri i policisë që qëlloi Alex Pretti kishte vepruar drejt, por tha se është i hapur për tërheqjen e ICE nga Minneapolis.

Në një postim në Truth Social, Trump parashtroi kërkesa ndaj të gjithë guvernatorëve dhe kryetarëve demokratë të bashkive në vend, përfshirë Minneapolis dhe Minnesota.

Ndër të tjera, ai u bëri thirrje liderëve të dorëzojnë tek autoritetet federale të gjithë “emigrantët e paligjshëm kriminalë” që ndodhen në burgjet dhe qendrat e ndalimit shtetëror dhe të “bashkëpunojnë” me qeverinë.