Albania News Agency

Presidenti i Shteteve të Bashkuara të Amerikës (SHBA), Donald Trump, njoftoi se gjiganti i shitjes me pakicë Walmart do të ulë çmimet e disa produkteve në kuadër të festimeve të 250-vjetorit të themelimit të SHBA-së.

Trump deklaroi se drejtuesit e Walmart kanë vendosur të ulin ndjeshëm çmimet sipas kërkesës së tij. Ai shtoi se çmimi i gjysmë kilogrami mish të grirë do të ulet me rreth 15 për qind dhe se kjo do të jetë një mbështetje e rëndësishme për miliona konsumatorë amerikanë.

Në deklaratën e tij, Trump preku edhe zhvillimet ekonomike, duke pretenduar se administrata e tij po zbaton politika për uljen e çmimeve të energjisë, ushqimeve dhe barnave si pjesë e luftës kundër inflacionit. Ai tha se çmimet e naftës dhe karburanteve kanë rënë, si edhe çmimet e vezëve dhe barnave me recetë.

Duke e cilësuar vendimin e Walmart si një «hap patriotik», Trump u bëri thirrje edhe kompanive të tjera të mëdha të shitjes me pakicë të ndërmarrin masa të ngjashme.

Trump deklaroi se ulja e çmimeve do të ketë ndikim pozitiv në ekonominë amerikane dhe te konsumatorët, duke shtuar se përpjekjet për forcimin e fuqisë ekonomike të vendit do të vazhdojnë.