Albania News Agency

Gjatë takimit të ministrave të jashtëm të BE-së, Tsahkna theksoi se iniciativat për t’i dhënë fund luftës në Ukrainë mund të avancojnë vetëm duke vendosur kushte të qarta ndaj palës agresore.

Duke theksuar se Rusia duhet të japë llogari për krimet e saj dhe të tërheqë forcat nga i gjithë territori i Ukrainës si parakusht për paqen, ai tha: “Nuk mund të shpërblejmë agresionin ose të pranojmë ndryshimin e kufijve me forcë.”

Tsahkna theksoi gjithashtu se Ukraina ka të drejtë të përcaktojë lirisht të ardhmen e saj, përfshirë anëtarësimin në NATO dhe BE, duke shtuar: “Evropa duhet urgjentisht të rrisë mbështetjen, të përdorë asetet e ngrira ruse për t’i ndihmuar Ukrainës dhe të rrisë koston e kësaj lufte për Rusinë. Siguria e Ukrainës është siguria e Evropës.”