Albania News Agency

Presidenti i Azerbajxhanit, Ilham Aliyev, dhe Presidenti i Uzbekistanit, Shavkat Mirziyoyev, morën pjesë online në ceremonitë e inaugurimit dhe vendosjes së themeleve të projekteve të realizuara nga Azerbajxhani në Uzbekistan.

Në kuadër të aktivitetit u vunë në funksion “Davr Bank” (Banka Ndërkombëtare e Republikës së Azerbajxhanit), një fabrikë gipsi (“Matanat-A”) dhe dy shkolla STEAM (Shkencë, Teknologji, Inxhinieri dhe Matematikë) të realizuara nga Grupi Arsimor Landau.

Gjithashtu u zhvilluan ceremonitë e vendosjes së themeleve për 5 pika të reja karburanti SOCAR, kompleksin rezidencial dhe rekreativ “Sea Breeze Uzbekistan” (“Agalarov Development”), kompleksin rezidencial “Baku City” (“TuranAZ”), një impiant për përpunimin dhe përqendrimin e mineralit të argjendit në kuadër të “Sur Gold and Silver Project”, si dhe pemishte që do të realizohen nga “Golden Fresh Fruits”.