Albania News Agency

Në deklaratën e ministrisë thuhet se Rusia ka kryer një sulm në shkallë të gjerë duke përdorur rreth 700 mjete ajrore pa pilot, si dhe shumë raketa balistike dhe lundruese.

Raportohet se në Kiev kanë humbur jetën të paktën 4 persona, përfshirë një fëmijë 12-vjeçar, dhe mbi 50 persona janë plagosur. Në Odesa kanë vdekur 8 civilë, në Dnipro 3 persona, dhjetëra janë plagosur, ndërsa në Zaporizhzhia ka humbur jetën 1 person.

Në deklaratë theksohet se këto sulme përbëjnë krim lufte dhe i bëhet thirrje komunitetit ndërkombëtar të rrisë sanksionet ndaj Rusisë dhe të mbështesë Ukrainën. Gjithashtu, të gjitha shtetet ftohen të bashkohen me gjykatën speciale për krimin e agresionit kundër Ukrainës që planifikohet të krijohet në kuadër të Këshillit të Evropës.